హటకేశ్వర గుహ - Hatakeswara Temple

హాటకేశ్వర గుహ

హటకేశ్వరం, కర్నూలు జిల్లా, శ్రీశైలం మండలానికి చెందిన గ్రామము. శ్రీశైల మల్లిఖార్జున దేవస్థానమునకు మూడు కిలోమీటర్ల దూరములో కల మరొక పుణ్యక్షేత్రమే ఈ హటకేశ్వరం. ఇక్కడ హటకేశ్వరాలయము ఉంది. 

మహా భక్తుడు కేశప్ప 

శ్రీకాళహస్తిలో మహా భక్తుడు రామప్ప ఉన్నట్లే...ఈ హటకేశ్వరానికి మరో గొప్ప భక్తుడు కేశప్ప ఉండేవాడు. ఈయన కుమ్మరి కులానికి చెందినవాడు. అటికలను తయారు చేస్తూ హటకేశ్వరంలోని శివుని చూడడానికి వచ్చిన భక్తులకు భోజనాన్ని ఏర్పాటు చేసేవాడు.

 ఇతని పేరు నలువైపులా ప్రసిద్ధిగాంచింది. ఈర్ష్య చెందిన ఇరుగుపొరుగు వారు, మహాశివరాత్రికి ముందు రోజున కుండలన్ని పగల కొట్టి వేశారు. ఆలయానికి వచ్చిన భక్తులకి భోజనం ఎలా ఏర్పాటు చేయాలో అర్థం కాక బాధపడుతూ... ఉంటే శివుడు అటిక లో ప్రత్యక్షమై అతని కష్టాన్ని చూసి, గది అంతా కుండలతో నింపి వేశాడు మహా భక్తుడు కేశప్ప ఆ కొండలలో భక్తులందరికీ భోజనం వండి తృప్తి తీర బుజింప చేశాడు.

శివుడు అటికెలో ప్రత్యక్షమైనాడు కాబట్టి ఈ ప్రదేశమే 'అటికేశ్వరంగా' పిలవబడి, కాలక్రమంలో 'హటకేశ్వరం'గా ప్రసిద్ధి చెందింది.

హటకేశ్వరం దేవాలయానికి వెళ్ళే దారికి ఎదురు దారిలో పాలదార-పంచదారలు ఉన్నాయి. ఇక్కడ ఆదిశంకరాచార్యుడు చాలాకాలం తపస్సు చేసినారు. ఇక్కడ శంకరుల పాద ముద్రలు కూడా కనిపిస్తాయి. శంకరుల వారు హాటకేశ్వరం దగ్గరలో ఒక లోయ లోకి మెట్లు దిగి పోయి, అక్కడ వున్న ఒక గుహలో పరదేవత ను ఆరాధించారు. ఆయన ఆ గుహలో సమాధి స్థితి లో యోగసాధన చేశారు. పరదేవత సాక్షాత్కారాన్ని పొందారు.

చంద్రశేఖర సరస్వతి గారు 

కంచి కామకోటి పీఠాధిపతి చంద్రశేఖర సరస్వతి గారు ఒకసారి శ్రీశైలం వెళ్లారు. పరమాచార్యుల వారు, శంకరుడు తపస్సు చేసిన గుహ ఎక్కడ వున్నదో స్వయంగా కనుగొన్నారు. ఆ స్థలానికి ఆయన ఎవరూ దారి చూపించే అవసరం లేకుండా తానే పోయి అక్కడ గల పొదలు, తుప్పలు శుభ్రం చేయించి, ఎంతో కాలంగా అక్కడ మరుగు పడి వున్న లింగాన్ని బయట పెట్టారు. అభిషేకాదులు నిర్వహించారు. అక్కడే ఆదిశంకరులు యోగతారావళి రచించినట్లు వారే తెలిపారు.

Yoga tharavali

త్రిపురాంతకం 

అదే విధంగా త్రిపురాంతకం లో గల శ్రీ చంద్రమౌళీశ్వరుని కూడ కనుగొని బయటపెట్టి అభిషేకాదులు నిర్వహించారు. వారి వలననే ఆ ప్రాచీన లింగమూర్తులు రెండూ నేడు భక్తులకు దర్శనం అనుగ్రహిస్తూ పూజకు నోచుకుంటూ వున్నాయి.

Thank you 🙏

Sindu nagarikatha

                                        ✍️ Bhagyamati